သစ်အိုပင်ရဲ့  ချစ်ခြင်းဒိုင်ယာရီ
သစ်အိုပင်ရဲ့  ချစ်ခြင်းဒိုင်ယာရီ
လေတိုက်တိုင်းကြွေတဲ့  သစ်ရွက်တွေကိုကြည့်ငေးရင်း
နွေရာသီလို့  မင်းသတ်မှတ်ရင်
မိုးရေစက်ကြောင့်ကြွေခဲ့ရတဲ့ မိုးမခပင်ရဲ့ အရွက်နဲ့ အခက်တွေ
မိုးရာသီမှာအရောင်အဆင်းမဲ့ မြေပြင်ထက်မှာခစားနေကြတယ်
ကြွေကျခဲ့တဲ့နှလုံးသားကလည်း အမုန်းတရားကိုအံတုရင်း
မျှော်လင့်ခြင်းပျက်ခဲ့တာတောင်
မကုန်နိုင်သေးတဲ့ငါ့ အချစ်စိတ်
ပင်လယ်သမုဒ္ဒရာရေတွေခမ်းမှ
မင်းခြေလှမ်းတွေ ငါ့ဘက်လှည့်လာမှာလား
ယောင်္ကျားတစ်ယောက်ရဲ့ မာန်မာန
ဘာမှန်းဆိုတာ ငါမသိနိုင်တော့လောက်အောင်
မင်းရှေ့ ရောက်ရင် ငါ့မှာဒူးထောက်နေတက်ပြီ
ယဉ်ယဉ်လေးနဲ့ ရူးနေတယ်လို့  ပတ်ဝန်းကျင်ကပြောနေကြလည်း
မမှီနိုင်တဲ့ပန်းကိုနမ်းဖို့  ကြိုးစားခဲ့တဲ့လူမိုက်တစ်ယောက်အဖြစ်
အမြင့်ပျံငှက်တွေကိုကြည့်ငေး စိတ္တဇဆန်ဆန်အတွေးတွေနဲ့ 
ရူးသွပ်ခြင်းကို ငါကျေနပ်တယ်
စာနာကြည့်ပါဦးကွာ ဘာမှမရှိတော့တဲ့ဒီရင်ဘက်က
မင်းအတွက်ဆိုအမြဲ တံခါးဖွင့်ထားတာပဲ
အကြောင်းပြချက်တွေမျိုးစုံပေး
တကယ်တမ်းမင်းသိတာက
ငါ့ကိုငြင်းဆန်နိုင်ဘို့ အရေး တစ်ခုတည်းလေ
လေလွင့်နေတဲ့ငါ့မှာသာ
တိမ်ဖုံးသွားတဲ့လရိပ်ကိုငေး ဟိုးအဝေးကိုပြေးမထွက်နိုင်တော့တဲ့
ခြောက်သွေ့ ခြင်းနဲ့ အထီးကျန်
ကမ်းပါးယံထက်က သစ်အိုပင်အဖြစ်နဲ့ 
ရက်ရှည်လများ အပြစ်တို့ ရယ်
မကျေအေးနိုင်သေးလေရော့သလား
No comments:
Post a Comment